агаарын урсгал:

• хий салхи, салхи шуурга, салхи шороо хорш.; урьхан хонгор салхинд уулын мод ганхана (ардын дуу);
• эрүүл салхи (цэвэр сайхан агаар);
• ширүүн салхи (хүчтэй салхи);
• цагаан салхи (тогтниун зөөлөн салхи);
• улаан салхи (шороон манан хадуулсан салхи);
• хар салхи (маш хүчтэй, хөнөөлтэй салхи);
• хуй салхи (сочмог шороо босгосон эрчтэй салхи);
• жихүүн салхи (их хүйтэн биш шиг мөртөө жиндүү салхи);
• халуун салхи (бүгнэм бүгчим салхи);
• хүйтэн салхи (жихүүцүүлэх жин ихтэй салхи);
• урин салхи, урьхан салхи (зөөлөн тааламжтай салхи);
• салхи сөрөх (салхины эсрэг явах);
• салхи дагах (салхины урсгал дагуу явах);
• салхинд тавих (юмыг агаарт гаргах);
• салхинд гарах (агаар салхинд явах);
• салхи гарах (салхи үүсэх, ихээр салхилах);
• салхи орох (салхи нэвтрэх);
• салхи цохих (салхинд үлээгдэж сэвэгдэх);
• салхи авах (а. ан амьтан салхиар үнэр сэрэх; б. салхи цохих);
• салхи анчлах (усан онгоцны далбаат салхины эсрэг зөрүүлэн өлгөж хөндлөн гулд зорчин явах);
• салхи лүвхийх (халуун салхи салхилах);
• салхи шиг хурдан (маш хурдан);
• салхины нь доогуур гаршгүй (ойртошгүй);
• ★ салхин тээрэм (салхины хүчээр хөдлөх тээрэм);
• салхин хүрд (салхины хүчээр эргэлдэх хүрд);
• салхин сэнс (салхины хүчээр эргэх сэнс);
• салхины ая дагах (а. салхины урсгалын аяар өөрийн эрхгүй явах; б. цаг үеийн байдлыг харж аль хүчтэйг аядан дагалдаж явах);
• салхин цэцэг (хүний арьсанд туурах нэг зүйл халдварт өвчин);
• салхины чийгийрэм цэцэг ургамал (үндсийг шороонд суулгахгүй, сүүдэр газарт өлгөж ус шүршин чийглэж байвал ургаж цэцэглэдэг, мөнх ногоон навчтай, цагаан шаравтархан цэцэгтэй нэг зүйл ургамал).