нэг (эн)
- хоёроос нэгийг хасаад үлдсэн тоо; нэгэн нэг нь нэг; нэгэн хоёр нь хоёр; нэг үхрийн эвэр доргивол мянган үхрийн эвэр доргино
зүйр;
- ганц; нэг морь; нэг ширхэг ч тамхи татаж болохгүй;
- нэг ч (нэгхэн; бидний дотор энэ үгийг зөрчих хүн нэг ч үгүй, цөм зөвшөөрнө);
- нэг удаа (ганц үе; энд нэг удаа ирэв; тэд нэг удаа очив);
- нэг бус (ганц бус, хэд хэдэн; ажил тасалсан явдал нэг бус удаа болов);
- нэг шингэх эм (нэгэн уухаар хэмжсэн хэмжээт эм);
- нэг амиар (нэг завдлагаар буюу нэг амьсгалаар; энэ шувуу тэндээс нэг амиар нисч энд ирэв; энэ аягаар нэг би нэг амиар уув);
- нэг амьсгаагаар (түргэн; нэг амьсгаагаар уншин төгсгөх; нэг амьсгаагаар залгилав);
- нэг үе (а. ганц удаа; нэг үе баярлаж нэг үе гомдож байв; б. нас ойролцоо; нэг үеийн залуучууд; в. ганц цагт);
- нэгэн тал (юмны нэгэн этгээдийн буюу нэгэн дундуур);
- нэг суурь (а. ганц зүйлийн олон малыг таслан сүрэглэсний нэгэн хэсэг; хонин суурь; нэг суурь тэмээ; б. дэвсгэр суудал хийхэд зориулж хийсэн эд барааны ганц хүн суух хэмээр хээ гарган хийсний нэгэн хэсэг; нэг суурь хивс; в. юмны ганц газар байх хэсэг; нэг суурь өртөө; нэг суурь харуул);
- нэг ай (ганц бүлэг, ганц аймаг, ганц хэсэгт багтах);
- нэг анги (хэсэг бүлэг юм; нэг ангийн цэрэг; нэг ангийн сурагч; нэг анги болгосон юм);
- нэг иж (нэг бүрэн бүтэн юм; зохиолын нэг бүрэн иж бий);
- эрийн нэг (энд тэнд нэг нэгээр сарниж тарсан байдал; барьж явсан цаасаа салхинд хийсгэж эрийн нэг болгочихов);
- нэг талыг баримтлах (өрөөсгөл талыг барих);
- нэгж хэм;
- нэг жил (дэлхийн бөмбөрцөг өөрийн явдлаар нарыг нэг удаа тойрч гүйцэх хэм, нэг жилийн ой болох хугацаа, өдрийн хоногоор гурван зуун жаран таван хоног орчим болно);
- нэг сар (а. жилийн арван хоёр хуваасан хэм; б. гуч, гучин нэг хоног; нэг сарын амралт авлаа);
- нэг хоног (а. өдөр шөнийн хорин дөрвөн цаг; б. нар ургахаас дараа өдрийн нар ургах хүртэлх хэм);
- нэг өдөр (а. нэг хоног; б. үүр цайхаас эхлэн бөрөнхий болох хүртэлх үе);
- нэг цаг (а. Европын зурхайн ёсны нэг хоногийг хорин дөрөв хуваасны нэг хувь, үүний дотор жаран минут багтана; б. шар цагаан зурхайн ёсны нэг хоногийг арван хоёр хуваасны нэг хувь, үүний дотор зуун хорин минут багтана);
- нэг мөч (цагийн хэмийн нэр, арван таван минут);
- нэг эр (тариалангийн газрын хэмжээ, таван өрлөг газар);
- нэг өрлөг (тариалангийн газрын хэмжээ, зургаан мүү буюу үр газар);
- нэг үр (тарианлангийн газрын хэмжээ, бүгд гурван зуун жаран дөрвөлжин алд газар);
- нэг хувиар (тариалангийн газрын хэмжээ, нэг зуун үр газар);
- нэг газар (талбайн буюу хол ойрын хэмжээ, нэг зуун наян хос алд буюу гурван зуун жаран алд, таван зуун далан зургаан метртэй тэнцэнэ);
- нэг хувь (а. цагийн хэмийн нэр, жаран нарийн хувь (секунд); б. юмыг хувь бодож хуваасан хуваасан хэмийн нэр; гуравны нэг хувь);
- нэг дундуур (юмны тэхий хагас буюу тал хувь; мянганы нэг дундуур таван зуу);
- нэг дээс (хэмжээ, гучин зургаан алд);
- адил, ижил;
- нэг төрөл (юмны нэгэн нам, нэгэн угсаа, нэгэн чанартай);
- нэг аймаг (а. амьтны ганц аймагт хуваасан нь; б. аймгаар хуваасан хувиарлал);
- нэг нам (санаа явдал нэгдсэн хэсэг хүн);
- нэг мөр (а. аливаа юмны нэгэн адил маяг журамтай болох; б. аян тал дагуу; би явбал, нэг мөрөөр бүтээн ирж болох хэрэг байна; в. журам зураас; нэг мөр бичиг; нэг мөр нэмээд зур!);
- нэг дуугаар (олны нэгэнт дуудах буюу хашгирмагц нэгэн зэргээр ирэх очих, үйлдэх хийх; нэг дуугаар цугларав; нэг дуугаар зөвшөөрөв);
- нэг санаа (а. олон хүний харилцан нийлэлцсэн санал; б. санаа зорилт урвалтгүй бат);
- нэг зорилго (адил санаа); айл хүний амь нэг, саахалт хүний санаа нэг
зүйр;
- аливаа үйлд явдлын хам, зэрэг, жигд;
- нэг дэсээр (үйл явдлын зэргээр буюу завсар зайгүй дараа дараагаар давхцах);
- нэг зэргээр (сацуу; та нар арван хоёр цагт нэг зэргээр ир! таван цагт нэг зэргээр тарна);
- нэгэн хамтаар (цугаар; тэд нар нэгэн хамтаар; бид нар нэгэн хамтаар явсан);
- дахин; би бас нэг дуулъя; бас нэг ууя;
яриа нэг удаа, түр зуур; чи нэг очоод ярь; би нэг хэлээд орхиё; нэг жаахан унтаад авлаа.
Монгол бичгийн товчлуурын байрлал
~
`
!
1
@
2
#
3
$
4
%
5
^
6
&
7
*
8
(
9
)
0
_
-
+
delete
tab
Q
q
W
w
E
e
R
r
T
t
Y
y
U
u
I
i
O
o
P
p
{
[
}
]
|
\
caps lock
A
a
S
s
D
d
F
f
G
g
H
h
J
j
K
k
L
l
:
;
"
'
enter
shift
Z
z
X
x
C
c
V
v
B
b
N
n
M
m
<
,
>
.
?
/
shift
Сэтгэгдэл бичихийн тулд логин хийх