эд ii

эдэлж хэрэглэж болох юм эдлэл; эд хэврэг эзэн мөнх (дээл мялаахад хэлэх үг); эд хогшил (хүний хэрэглэх элдэв хэрэгсэл, ашиг хөрөнгө болгомоор хураасан хадгалсан мөнгө бараа зэргийн юм); эд уурс (эдэлж хэрэглэх бүх юмс; эд уурсын зүйлс); эд юм (эд уурс);
хүний эдэлж өмсөх даавуу, торго бараа; торгон эд; ноосон эд; даавуу эд; чанар сайтай эд байна; эдээр биеэ чимснээс, эрдмээр биеэ чимсэн дээр х у у ч; эд таваар (эд бараа); эд бараа (хүмүүсийн хэрэглэх эдлэл ба барааны зүйлийн нэр); эд хүргэх (бусдад бэлэг тал болгож эд юм өгөх);
аливаа бодисын бүтсэн юм; үүний чинь ямар эдээр хийсэн юм бэ?
хувилахуй ухааны ёсонд нэг зүйлийн барамна;

☆ эдийн засаг (нийгэмлэгт ноёрхож байгаа үйлдвэрлэлийн арга, үйлдвэрлэх хүчний хөгжлийн тухайн шатанд тохирч байгаа үйлдвэрлэлийн харьцааны цогц);
улс төрийн эдийн засгийн ухаан (янз бүрийн нийгэмлэгийн үйлдвэрлэлийн арга нөхцөл хийгээд үйлдвэрлэлийн бүрэлдэхүүнээ хэрхэн хуваарилан солилцож байгааг судлах ухаан);
эд бөглөх (хахуулилах, хахууль өгөх);
эд хонжих (худалдаа гүйлгээний хонжлого буюу хүү хөлсийг илүү мэхлэн авах, бусдыг айлган хяхаж, хэтэрхий ашиг олж завших);
эд авах, эд жавших (хахууль авах);
эдийн эзэн (хулуугдсан юмны уг эзэн);
эд хуваах (а. хүний эд хогшил зэргийг хуваалцах: б. хулгайн эд юмыг учир мэдэж хуваан авалцах;);
эд бод хийх (бүхэл бүтэн юмыг эвдэж хуваах).