амьтан, ургамалын яс арьс хоёрын завсар дахь нэхдэс; хонины мах; гахайн мах; ангийн мах; шувууны мах; чавганы мах; чангаанзны мах;

тарган мах (өөх ихтэй мах);

шинэ мах (сая нядалсан малын мах);

хуучин мах (нядлаад удсан мах);

бүхэл мах (хөшиглөөгүй мах; бүхэл мах идэх);

тураг мах (толгой шийр, гэдэс дотроос бусад мах);

мах болгох (а. мал нядлаж бэлтгэх; б. маш ядрааж хөдөлгөөнгүй болоход хүрүүлэх);

хар мах (өөхгүй мах);

өрөөл мах (тал мах);

шар мах (арьс ширний дотор талд наалдаж байх нимгэн хальс);

цагаан мах (хошгиногийн бүдүүн үзүүр);

улаан мах (түүхий мах);

махан баримт (бие баримт);

махан хоол (дан мах буюу махтай хоол);

махан хуурга (хуурсан мах);

мах бэлтгэл (улсын төлөвлөгөөт мал бэлтгэл);

махны дэлгүүр (мах худалдах дэлгүүр);

махны мухлаг (мах худалдах мухлаг);

махны тэрэг (мах зөөх тэрэг);

мах комбинат (мал нядлах, махны үйлдэхүүн хийх үйлдвэр);

мах болох (маш ядарч хөдөлгөөнгүй болох);

махаа идэх (зовлонгоо эдлэх);

мах идэх (а. махан хоол идэх; б. зовох зүдэх);

махан овоо хийх (дээр дээрээсээ овооролдох);

мах мариа (тарга тэвээрэг);

мах татах (а. махыг маш жижигхэн хэгж хөшиглөх; б. мах суух);

мах нь суух (мах шуурах);

мах шуурах (эцэж туранхилах);

мах суух (таргалж мах нэмэгдэх);

мах цусны, мах ясны (ураг төрлийн; мах цусны барилдлага);

махан бие (зэр зэвсэггүй дан бие; *аав ээжийн заяасан махан биеэрээ үзэлцэх үү? үлгэр. )

ямааны мах халуун дээрээ (юм шинэ сэргэг дээрээ дээр);

малын түрүүнд бух, махны түрүүнд ууц зүйр.