эвэрлэг ба үсний зүйл, эсэхүл мах тосны зэрэг юмыг хуйхалсан түлснээс гарах нэгэн зүйл үнэр: хэншүү хярвас хор ш.; хэншүү үнэртэх; хэншүү тавих (хэншүү гаргах).

мах тос зэрэг юмыг хуйхалсан түлснээс гарах нэгэн зүйлийн утаа тортог, үнэрийг шүүгч гал тогооны хэрэгсэл.

цагийн хэм, нэг секунд. Хором буюу нарийн хувь

элэглэгдэх, шүүмжлэгдэх, жигшигдэх шившигтэй газар бий; зүдэг хэрэг үйлджээ; ингэж явах нь даан ч зүдэг.

цагаан будаа.

1. сэтгэх, бодох; санах сэрэх,. санах сэтгэх, санах бодох хорш.; санаж байгаа юмаа хәл! хар санах (муу санаа агуудах); сайн санах (сайн санаа агуулах); буруу санах (хортой санаа агуулах); муу санах (хар санах; чи над битгий муу санаарай!); санасан дээр нь (санасан даруйд нь); санасандаа хү­рэх (зорилгодоо хүрэх, зорилгоо биелүүлэх); санах нь сарнаар, явах нь нарнаар (санасан бодсондоо хүрч чаддаггүй); их санасан газар есөн хоног хоосон (их л сайхан гэж бодсон атал тэр нь муу, юу ч үгүй байх); санаснаас дээр (уг бодож байснаас илүү, дээр); өөдлөхөд санах сэрэх хоёр; уруудахад унтах мартах хоёр (хууч); санасан бүхэн чинь сэтгэлчлэн бүтэх болтугай! (ерөөлийн үг); 2. нэхэн бодолд орох; хаа тавьсан бэ? санаач! хэдэнд ирсний нь бид санахгүй байна; 3. хүсч мөрөөдөх; гэрээ санах; нутгаа санах; ээжээ санах.

1. хөвчийг татаж сум харвах зэвсэг; хулс, эвэр, шөрвөсийг нийлүүлэн нааж хийнэ, одоо спортын хэрэгсэл; дэрсэн нум сумаа гэр дээр нь хаяв гэнэ (үлгэрээс); сумаа харваад нумаа нуух зүйр; нум орох (нумны нэг этгээд гэдрэг нугарах); нум буух (нумны хөвч мултрах); нум гүйтэх (нумны хөвчийг мултлах); нум галжиртах (нум гажих); нум татах (нум барьж хөвчнөөс үгтээх); нум тэлэх (нумыг гүйцэд татах); нумны амгайвч (нумны хөвч торгох торомж); нумны үүсгэр (нум хийхээр бэлдсэн мод); нумны элэг (нуманд наасан эвэр); нумны баатар (нумны хайгуулын дэргэдэх дүгрэг юм); нумны бариул (нумны барих газар); нумны хайгуул (нумны хөвчийг тосох гандгар газар); нумны хамар (нумны хичрийн ар); нумны хэрсүү (нумны хайгуул); нумны хичир (нумны үзүүрийн гандгар); нумны хөвчлүүр (нумны амгайвч); нумны галжир (нумны гажлага); нумны тэвх (нумны хайгуул); нумны товх (нумны баатар); нумны хөвч (нум хөвчлөх оосор); 2. нумны хэмжээний газар; нэг алхам газар; сурыг дөчин таван нумны газраас харвана; 3. тэрэг, автомашины донсолгоог зөөлрүүлэхийн тулд хийсэн уян хатан болд; нумтай тэрэг; машины нум; нумы нь хотойтол ачив; 4. хэмжих ухаан хагас дугуй;нуман жагсаал (хавирган сар хэлбэртэй жагсаал)

гэрийн орой тааз. (шал, хана, адаар будах)

залгамжлан авах, уламжлах зүйл; манай ард түмний эртний уламжлал; уламжлалын зарчим; манай ард түмэн баатарлаг уламжлалтай билээ, шинэ соёл зохион бий болгох.